L‘orgoi di sentînus furlans
I furlans o sin sparniçâts ator pal mont. E cussì lis tradizions che a son stadis part de mitologje e dai nestris insiums a van pierdintsi cu la distance e cul timp. Inte gnot di San Zuan, magjiche ma ancje plene di significât parcè che al è il solstizi di Istât e al scomençe il biel timp, a cjapin cuarp il plui di chei rituâis che a jerin cjapâts sul seri dai nestris vons, stant che par lôr a vevin cetant sucès.
Fassint une robe ducj insiemi ator pal mont par rintonâ chescj mots e formis, salacor o varìn ancje un sucès in mantignînus dongje, che al risultarà di sigur tal stramanâ une part de culture e lenghe furlane, rinfuarcint lis nestris lidrîs.
"A scuvierzi e a puartâ indenant il dut...nô o sin chei che a puartin il lumin, come in une stafete, ma al à di jessi cualchidun che le cjape sù." Roberta Masetti.
Ma ce tradizions vuelino riscatâ?
Lis feminis,lis maris e lis fiis, a fasevin dai rituai propiziatoris par sigurâ l'avignî de famee. Lis fantatis ju fasevin cu lis jerbis, cui arbui o i animai par induvinâ ce che al sarès stât des fantatis, se a varessin cjatât un morôs, se si saressin maridadis, e se averissin vût fruts. Di fat chestis a jerin lis unichis robis che a podevin fâ lis feminis te societât contadine dai secui stâts.
Parcè un Flashmob?
Il Flashmob e je une espresion spontanie pandude par mieç des rêts sociâls par clamâ dongje ae int a davuelzi une ativitât par fâ cognossi une idee o la braure di apartignince a un grup. Che nus facilitarà fâlu tal stes timp dapardut.
Ma cemût rivarino a viodinus? Cjoli un rituâl de pagjine, failu chê sere e mandinus un piçul video cuntune fotocjamare o un telefonin, visanti di meti nom, luc, paiis e citaat. Ducj i videos si cumbinaran intun spot, par fâ viodi il nestri orgoi di jessi furlans e par viodinus lis musutis jenfri di nô..
E cun ce musiche lu acompagnino?
Cjantade par furlan, cence altri... Ma e à di jessi libare par podê jessi spartide tramite Fbk o Youtube. Ti invidìn a proponi tocs e interpretis.