Previsions cu la rosade
Lis fameis jerin a pià la rosade cui pîts crotis par tirâ dongje la buine forturne.
Pes fantatis la rosade e jere une sorte di viatic par viodi, tai siums con cui che si saressin maridadis. Une fantate e podeve scuvierzi ce che al veve di non il zovin che le varès maridade.
Si scriveve il non di ogni zovin intun sfuet di cjarte. Si ju rodolave sù e si ju meteve sot dal cussin.
La dì dopo cuant che si dismoveve, la fantate e veve di tirâ fûr a câs, un di chei sfeuts. Plui dispess dopo rodolâts sù i sfueuts, si metevi ju intun plat o intun cjadìn plen di aghe e si meteve ju fûr vie pe gnot, par che a cjapassin la rosade. Il sfuet che la dì dopo a buinore, si jere disrodolât di plui, al jere chel che al veve scrit il non dal zovin che le varès cjolte.
Previsions cul Blanc dal Ûf
Inte vilie, lis fantatis che a jerin in etât di maridâsi, a cjolevin une tace, une scudiele o une bocalete, le jemplavin di aghe fin a miec e po, a metevin dentri un blanc di ûf. Podopo le metevin fûr su la base dal barcon de cjamare, o tal ort, par che e cjapàs la rosade. Par che la prevision e funzionàs vie pe gnot, no vevin di jessi ni ajar ni nui.
Il blanc dal ûf al podeve fâ dôs formis (o in ogni câs, dôs interpretazions) Se al faseve un arcje o une barcje, ven a stai, se il blanc a someave une nâf cu lis sôs velis e cui siei arbui, e jere une buine segnâl. La direzion de barcje e mostrave di ce bandeche al sarès rivât il fantât che le varès maridade. Se il blan al cjapave la forme de une casse o di une tombe, la prevision e jere negative, e podeve volê dî che la fantate no si sarès maridade.