Previsions cu la rose dai garçs
Une volte in dut il Friûl, la vilie di San Zuan, si cjapavin su lis rosis dai garçs, si tiravin vie lis fueutis e di gnot si metevin fûr par che a cjapassin la rosade.
Se tal indoman a buinore, lis fueutis a jerin tornadis a cressi, bla prevision e jere buine pe anade, pai cjamps, o se si voleve savê cemût che al lave a finîle un morosament ancje pes cuistions di amôr.
Prevision cul cocolâr
La fantate che e voleve fâ chest rituâl e veve di sielzi un nuiar zovin che nol ves inmò fat coculis, la vilie di San Zuan, dopo sunade la Ave Marie de Sere e lave a leâ la plante cuntune curdele rosse. La dì dopo a buinore, prime che e sunàs la Ave Marie di matine, e veve di tornâ di scuindon li dal nuiâr par une atre strade e e veve di tirâ vie la curdele.
Il fantat che le varès maridade al varès vût il stes non dal prim om che e cjatave pe strade, tornant a cjase.