Un espacio para difundir las actividades de los fogolares del mundo.
Un sito per diffondere le attività dei fogolârs ator pal mont.

Profont rapuart cun la tiere

La tormentade storie dal popul furlan, fate di vueris, dominazions, disgraciis e emigrazion no jere rivade a crevâ la identitât di fonde dal Friûl e a snaturâ la antighe culture agrarie, tant che i segns di cheste ultime si son sprolungjâts fin ae prime metât dal Nûfcent. A partî di chest periodi, di fat, la ricostruzion post beliche, l'avent di une economie industrializade e tecnologjiche, po dopo il drame dal taramot e la seguitive ricostruzion e alfin il plui scosagn e resint moviment di globalizazion de culture e dai costums a àn puartât ancje in Friûl la svelte sostituzion de culture cui plui conformâts schemis antropologjics.

Fin dilà de seconde metât dal Nûfcent la principâl e dispès uniche font di ricjece de popolazion e jere la tiere, cui rituâi de semine e des racueltis che a ritmavin la vite di dute la coletivitât. La famee e jere la unitât produtive elementâr, là che ogni membri al veve une precise funzion operative. I timps dal lavôr a jerin dal dut dipendents des vicendis astronomichis e meteorologjichis leadis al corisi daûr des stagjons.

A partî dal replicant ritmi astronomic dal soreli che al determine il cori des stagjons e duncje il cicli des oparis agrariis, fin de antichitât l'om al veve metût des fiestis tai ponts nevralgjics dal an costituîts di solstizis, dai ecuinozis e des scjadincis principâls dai lavôrs de tiere, su lis cualis il cristianisim al à metût parsore lis propriis fiestis liturgjichis, che a conferirin ulteriôr impuartance e spessôr festîf aes stessis ricorencis.

I rituâi solârs dal fûc a esaltavin i moments fondamentâi dal cicli, o sei i doi solstizis, che la Glesie dopo e consacrà inte nassite di Crist e dal so predecessôr, Zuan il Batiste, invezit intai altris moments dal rinovament anuâl, confinâts dal Carnevâl e dai Sants, si ricreave il stât di caos iniziâl che al unive simbui positîfs e negatîfs. Moment impuartant dal cicli anuâl al jere il solstizi de Istât, pic stagjonâl, là che si rinovavin, dilà des cerimoniis solârs, rituâi magjics di caratar apotropaic e divinatori, invezit dilunc il periodi estîf, al rivave il solêf des sagris paisanis. Par dute la Istât si davuelzevin ancje i perdons, i avôts e lis visitis ai santuaris dal mont al mâr, tradizions religjiosis che de Ete di Mieç a rivarin al Nûfcent e che i steve daûr il tratament e il moment di fieste comunitarie. La ultime grande fieste colegade al cicli agrari e jere chê di San Martin che si davuelzeve sul crinâl dal Autun su lis olmis dal rimit Shamain celtic.

La fieste di San Martin e rapresentave il confin ultin dal cicli, o sei il so finî dopo dutis lis racueltis dai prodots de tiere. Il vivi dal popul furlan al jere cussì segnât dal alternâsi dal timp profan, dal dûr lavôr di ogni dì e di chel cerimoniâl de fieste, secont i ciclis invariâts dal calendari.

I fûcs invernâi

I Carnis, vieris abitants celtics dal Friûl, nus àn lassât cerimoniis antighis
(che a àn passât traviers la storie di Rome cul non di "Natalis
solis invicti", Nassite dal soreli mai vinçût). Il Cristianisim lis à tiradis
dongje, cun bon sintiment, tai acjadiments dal Nadâl.
La vite tal frêt e jere malferme, intant che il dì al deventave plui
curt e che il soreli nol scjaldave aromai. Cualchi zornade dopo
Nadâl, a discuvierzevin che la lûs si slungjave di gnûf e che il soreli
nol jere daûr a murî. I fûcs da la Epifanie a son une tonade di ligrie
come a dî: "O varìn forsit ancjemò frêt, ma cumò o savìn che la
vite e va indenant".
"Nadâl, un pît di gjal, Prin dal an un pît di cjan, Epifanie un pît di
strie" dulà che la lungjece dal pît e mostre il slungjâsi dal dì.

Pignarûl

I pignarûi a vegnin impiâts cuasi pardut in Friûl. Lis liturgjiis pressapôc si somein dutis. La tasse e ven tirade sù in mieç dai cjamps cun cjanis e scartums dai contadins o cun lens menâts dongje dai zovins che ju cirin pes cjasis ca e là. Tal mieç i plantin un pâl par sostignîle. Parsore si met dispès un pipinot (la femenate), che al figure une strie o l'an vieri, che a puartaran vie, brusantju, i bruts ricuarts dal an passât. Une autoritât dal paîs (il sindic, il plevan, o vie indevant…) al da micje al pignarûl cuntune torce impiade intune fugarele li dongje. Si da fûr dolçs e vin cjalt cun droghis. Dopo di vê inviade la flame a scomençavin i cjants e i bai ator dal fûc.

I zovins a jerin simpri i protagoniscj: a ziravin pai cjamps cun torcis impiadis tal pignarûl, come par une benedizion paiane. A la fin, cuant che il fûc al jere daûr a distudâsi, a fasevin gare tal saltâ lis boris, a mostrâ di sei deventâts grancj. La cerimonie antighe ur contave de prossime stagjon agricule. Cuant che il fum al lave viers orient al significave un bon an: "Fum a soreli jevât, cjape il sac e va a marcjât". Se il fûc al leve a ocident invezit: "Fum a soreli a mont, cjape il sac e va pal mont", al jere di spietâsi une anade misare.

I fûcs di Sant Zuan e di Sant Pieri

I fûcs solstiziâi dal Istât a son mancul cognossûts di chei dal Unvier. Tal solstizi di Istât il soreli al rive sul pont plui alt parsore dal nestri cjâf. Cierts studiôs a pensin che cui fûcs di Jugn i vons a volessin fermâ la pôre di pierdi il soreli che si slontane simpri plui adalt, ma che, subite, al tornarà a sbassâsi viers l'orizont.

Lis cidulis

E jere une costumance un grum fuarte e si faseve in dutis lis stagjons. A son discs di len di faiâr, sclapâts cu la manarie a piramidis bassutis, cuntune buse tal mieç e cui ors fins par che a tain miôr l'aiar. A saressin duncje piçui discs volants di len. Si sielç un puest ert e cence arbui su pe culine. I zovins a impiin un fûc là che lis cidulis a son metudis par infogâsi. Cuant che a deventin bielis rossis e scomence la cerimonie. Cuntun fier o cuntun len fuart, il fantat che i tocje al fâs mulinâ la cidule parsore dal cjâf, fin a dai une pocade, butantle indenant e adalt. La cidule e fâs grancj zîrs tal cîl, lassant daûr un agâr di stelutis di fûc.

I prins tîrs a jerin in onôr di Diu, de Madone, dal Plevan, dal Sindic dal paîs e vie indevant… Dopo al scomençave il moment saurît de cerimonie. Il zovin al diseve a vôs fuarte il non de biele che i dedicave il tîr (zontantlu al so o a chel di un so cjâr amì) e uçant la cidule a rivâ fin tal cûr di jê. Lis fantatis si jerin dadis dongje sot de culine, seneosis di sintîsi clamâ. Il baticûr al cresseve jenfri chês no nomenadis ancjemò. E jere grande la delusion di chês che no vignivin clamadis.

Si considerave il tîr des cidulis un esercizi ardît e iriverent parcè che al lave cuintri la costumance dai gjenitôrs di acuardâsi tra di lôr pal matrimoni dai fîs e al butave li la sielte agradide dai zovins. Cuant che un fantat al tirave trê cidulis une daûr chê altre pe stesse fantate, si podevin imprometi uficialmentri.

Previsions de matrimoni

E jere une costumance un grum fuarte e si faseve in dutis lis stagjons. A son discs di len di faiâr, sclapâts cu la manarie a piramidis bassutis, cuntune buse tal mieç e cui ors fins par che a tain miôr l'aiar. A saressin duncje piçui discs volants di len. Si sielç un puest ert e cence arbui su pe culine. I zovins a impiin un fûc là che lis cidulis a son metudis par infogâsi. Cuant che a deventin bielis rossis e scomence la cerimonie. Cuntun fier o cuntun len fuart, il fantat che i tocje al fâs mulinâ la cidule parsore dal cjâf, fin a dai une pocade, butantle indenant e adalt.

La cidule e fâs grancj zîrs tal cîl, lassant daûr un agâr di stelutis di fûc. I prins tîrs a jerin in onôr di Diu, de Madone, dal Plevan, dal Sindic dal paîs e vie indevant… Dopo al scomençave il moment saurît de cerimonie. Il zovin al diseve a vôs fuarte il non de biele che i dedicave il tîr (zontantlu al so o a chel di un so cjâr amì) e uçant la cidule a rivâ fin tal cûr di jê.

Lis fantatis si jerin dadis dongje sot de culine, seneosis di sintîsi clamâ. Il baticûr al cresseve jenfri chês no nomenadis ancjemò. E jere grande la delusion di chês che no vignivin clamadis. Si considerave il tîr des cidulis un esercizi ardît e iriverent parcè che al lave cuintri la costumance dai gjenitôrs di acuardâsi tra di lôr pal matrimoni dai fîs e al butave li la sielte agradide dai zovins. Cuant che un fantat al tirave trê cidulis une daûr

Par viodi i previsions de matrimoni, clica culi.

I Benandants

I benandants a jerin chei che a nassevin inmò fats sù tal sac amniotic, chei che inmò in dì di vuê a vegnin dits "nassûts cu la cjamese", chei fortunâts. Cheste maniere particolâr di vignî al mont ju colegave ae dimension ultraterene dulà che a polsin o a sostin lis animis di chei che a àn di nassi o dai muarts, tant che lôr a jerin in grât di metisi in contat e di fevelâ cui muarts e duncje di fâ di tramit cui vîfs.

I benandants a jerin diferenziâts in agraris, o ben chei che a combatevin cuintri des striis, strions e malandants par salvâ racuelts e par tutelâsi des cjaristiis; benandants terapeutics, che a podevin vuarî di striaments e di mâi e i benandants funebris che a podevin viodi i muarts e fevelâ cun lôr. I benandants a intervignivin ancje in altris setôrs come chel atmosferic (clamavin la ploie, fermavin la tampieste e lis trombis di aiar), a profetavin l'avignî e a realizavin i desideris e i leams d'amôr.

A cognossevin il cîl e lis sôs leçs, la meteorologjie, i segrets de tiere e des aghis, dai vulcans e dai taramots. A podevin fâ ben ma ancje mâl e propit par chest la popolazion di chê volte ju tignive lontans.

Par scaricâ il test, clica culi.

 

Recetas publicadas

La gnot dal Agaçon
Los pronósticos de matrimonio de la noche de San Juan

Il truc
Un juego de la Pascua en Cividale

La Gnot dai muarts
El 2 de noviembre, año nuevo celta

San Nicolò y los Krampus de la Carnia
El 5 de diciembre el bien y el mal conviven

El Nadalín
Una tradición navideña alrededor del Fogolâr

Las tradiciones navideñas en el Friûl
Lo sagrado y lo pagano

El carnaval en el Friûl
Mucho más que una fiesta de disfraces

Las monedas de 200 furlans
Conmemorativas de los 900 años de la Patrie dal Friûl

Osmiza
Compartir un vaso de vino, directamente del productor

Il Cjantarin
La canción de navidad

Santa Lucia
13 de diciembre

Fin de año
Las doce noches sagradas entre Navidad y Epifanía

Las tradiciones de la Pasqua
Truc, Cràzzulis, Gubane

El juego de la mora
Un juego ancestral

Il purcit di Sant Antoni
Símbolo de la solidaridad friulana

La Corsa dai mus
La carrera de los burros de Fagagna